فيديو.. بعد الهجوم عليها.. داليا_البحيري ترد على منشور 'هديله بالشبشب' احمى_نفسك_احمى_بلدك
وأكدت أنها لا تهاجم العمالة اليومية، وأنها تدعمها من خلال حملة بالتعاون مع بنك الطعام المصري، فضلا عن مطالبتها بتوفير أماكن إقامة للعمال، مع تمنيها تطبيق حظر كلي في مصر،"علشان الناس نازلة تتفسح، علشان زهقت وبتفسح عيالها".
وطالبت بالالتزام بالحظر الجزئي، وترك الشوارع غير مزدحمة لعمال"الديلفري" وللأطباء والممرضين والعاملين في قطاع الصحة، مختتمة حديثها بالدعاء لهم.ودوّنت"داليا" عبر صفحتها الشخصية على فيس بوك، قائلة:"مبقاش أنا محبوسة في البيت أنا وأهلي داخلين على 36 يوما، وزينا ناس محترمة كتير، ولو لا قدر الله حد فينا تعب مانلاقيش سرير في مستشفى عشان واحد حيوان كان مقضيها خروج بيتفسح ولا كان على باله اللي احنا فيه".
وتابعت:"حظر كامل يا ريس لو سمحت أرجوك، واللي حيقولي العمالة اليومية حديله بالشبشب على بقه أنا فاض بيا! أولا معظم المؤسسات الخيرية -وبقول معظم مش كل- بدأوا يشحتوا عليهم من قبل ما رمضان يبدأ، فمحدش يقولي مش حيلاقوا يأكلوا، وكتير منهم بنتحايل عليهم يشتغلوا أصلا طول السنة! خلينا صادقين مع نفسنا شوية كده والنبي! واللي بيشتغلوا في مصانع على عيني وراسي يتعملهم إقامة داخل محل عملهم! غير كدة احنا رايحين في داهية".
ووصلت داليا هجومها قائلة:"لحد دلوقتي ماشين بستر ربنا ومجهودات الدولة العظيمة اللي اتعملت في الأول، بس والله العظيم ده شعب ملوش كتالوج ده لازم يتربط في رجل السرير مش يتحبس بس".
مصر أحدث الأخبار, مصر عناوين
Similar News:يمكنك أيضًا قراءة قصص إخبارية مشابهة لهذه التي قمنا بجمعها من مصادر إخبارية أخرى.
هن | عالمة شهيرة: عدم احترام الحيوانات سبب تفشي فيروس كوورنا
اقرأ أكثر »
هن |القومي للمرأة يستنكر تداول صورة خاطئة لطبيبة شبرا البهو:دي مقررة الدقهلية
اقرأ أكثر »
هن | أطباء يضعون صور ضحكاتهم على البالطو لكسر حاجز خوف مرضى كورونا
اقرأ أكثر »